講到露營食物，大部分人第一時間會諗到食杯麵，但今時今日仲帶杯麵去露營係唔夠架! 得個杯麵你叫人點打卡影相呃like? 近年越嚟越多人露營，露營美食已經成為一種生活美學。今日同大家分享幾款簡易露營美食，就算唔識煮野食露營都可以食好啲！
準備露營食品注意事項
- 盡量購買真空包裝食品，露營地點大多數屬偏遠地區，長途拔涉急凍食品容易溶雪，肉類解凍後會滲血水，整到個袋濕哂之外仲好容易滋生細菌!
- 避免攜帶海鮮類產品或者容易變壞食材，例如豆腐、魚生、生蠔。
露營美食推介
露營火鍋
露營入夜後天氣會轉涼，一鍋熱氣騰騰嘅火鍋絕對係人生幸福之事。而且火鍋料理極簡單毫無技巧可言，只需準備打邊爐湯底，將喜歡嘅食物倒入鍋中煮熟就可食用。營火嘅【露營套餐】野外滾動 - Deluxe (3-4人前) 一個餐有齊打邊爐牛肉、丸、蔬菜盛盒、烏冬同打邊爐湯底。仲可以直送露營場地。絕對係露營新手嘅恩物。
露營燒肉
露營活動體力消耗大，負重孭露營用品長途跋涉去到營地仲要扎營。想補充體力當然要食肉。唔好以為露營燒肉好麻煩，其實剛好相反，露營燒肉可以算露營最方便快捷又好味嘅食物。因為燒肉較薄容易熟，放上露營烤盤上每面煎10-20秒，再加少少鹽同黑胡椒調味已經好夠。
露營壽喜燒
露營想食豪啲可以選擇和牛壽喜燒，而且壽喜燒又係一道簡單易煮嘅美食。先係熱鍋塗上牛油，再香煎和牛片，然後加入壽喜燒汁，嫩滑無比嘅壽喜燒和牛就可以食用，之後再加入蔬菜等材料，蓋上鍋蓋，待材料煮熟即成。
如果想了解更多壽喜燒食法可以睇->【影片教學】正宗和牛壽喜燒食法
麻甩雞煲
營火獨家研發，一款去邊到食都得嘅麻辣雞煲 －「麻甩雞煲」。正所謂「雞煲要食得麻甩、麻甩去邊都食得」，露營食雞煲都得! 麻甩雞煲選用原隻三黃雞，精選配料包括: 洋蔥、乾蔥、雲耳、雞脾菇。翻熱即食，食完仲可以加極鮮甜「蝦頭清雞湯」打邊爐，一鍋兩食！
咖喱
如果你係無飯不歡人士，露營可以選擇嘗試食咖喱飯。市面上有唔少方便咖喱磚，只需加水煮溶咖喱，按個人喜好加入雞肉/牛肉，配白飯一流！不過留意咖喱本身帶有色素而且油多難清潔，建議食完咖喱即時清洗。
蒟蒻麵
如果露營唔想開火煮食，哩款一開即食嘅蒟蒻麵就啱哂你。蒟蒻麵低卡無麩質，健康非常，絕對係夏天露營嘅消暑良品!
延伸閱讀:【BBQ燒烤推介】燒烤場地 x 營火食品 (馬鞍山區)
