【惠里豚家族大揭秘!】

火熱專題

有無諗過您每日食緊嘅豬肉,每一口都蘊含著大學問!豬種來源、飼養以及豬肉部位挑選、煮法、配搭亦可以十分講究~

今次同大家隆重介紹營火食品嚴格挑選嘅惠里豚家族:嫩梅頭、勁唐排、靚花腩、清瘦肉、同一字好排!

 

嫩梅頭Collar Butt

肩胛肉嫩滑帶有脂肪,口感脆嫩

最啱用黎燒烤、清燉、煎煮

整好餸 – 蜜餞叉燒

 

勁唐排Pork Neckbones

處於頸胸之間,肋肉細軟味甘

啱晒用黎燉湯、蒸煮、燒烤

整好餸 – 雪梨蘋果螺片煲唐排

 

靚花腩Pork Belly

油甘肉鮮,肉質鬆軟、味道濃郁

最啱用黎醬滷、燜燉、紅燒

整好餸 – 梅菜炆五花腩

 

清瘦肉Pork Loin

細嫩味美,清瘦健康之選

煎炒煮炸乜都得

整好餸- 冬瓜咸蛋瘦肉湯

 

一字好排Spareribs

肥瘦均勻亮澤,甜膩適中

最啱用黎蒸煮、燉湯、紅燒

整好餸 – 豉汁蒸排骨

 

既然要食,就要食得其所!當您將惠里豚家族放入口時,記得要用心品嚐,感受佢與別不同嘅肉質及味道~

【雞髀一定等於肥? 】

【雞髀一定等於肥? 】

雞髀大部份人都鍾意食,但唔少人卻因為覺得佢肥而卻步。但其實只要你食得其所,就唔需要再怕佢肥,達到win win雙贏嘅局面。

雞髀有分上、下髀,其中雞下髀負責支撐整隻雞隻嘅走動,所以活動量較大,加上雞皮較薄,脂肪因此比雞上髀為少。所以,只要你將雞下髀去皮,其實佢嘅卡路里(kcal)同雞胸肉相差無幾,但嫩滑程度卻可能差天共地。

當然,如果你想成隻髀咁食都無問題嘅,但唔想肥嘅都係建議盡量去皮,咁就可以大大減低脂肪及卡路里嘅吸收。

下次想放肆一下而又唔想咁肥嘅話,記住不妨試一試食去皮嘅雞下髀,咁就可以滿足個口嘅同時,又無咁邪惡啦。

不過最後補充一句,有得食就唔好怕肥啦,有食唔食罪大惡極,雞皮理得佢照食啦。

【嚴選供應商 • 屠宰場揭秘】

識食識買

火熱專題

【嚴選供應商 • 屠宰場揭秘】

優質供應商係點揀?其中一點係「每事問」。好似嚟自泰國嘅「無激素牛奶雞翼」,我哋亦會疑問「點解啲雞翼可以咁雪白?」,為此營火專員專程深入供應商位於泰國嘅屠宰場,發現佢哋有超過50位工作人員,正用人手逐隻雞翼檢查質素及有冇血根,保證每隻雞翼如牛奶般雪白。

由此可見,要有好出品,就要高要求!營火會以此準則,繼續搜羅優質靚貨,讓大家食得開心,食得放心!

【識食識買 🚫無激素🚫 泰國牛奶雞中翼】2

識食識買

火熱專題

【識食識買 ,無激素, 泰國牛奶雞中翼】2

營火嚴選世界各地供應商,為大家挑選優質凍肉,好似呢款以無激素及抗生素見稱嘅「泰國牛奶雞翼」,佢哋嘅供應商標榜穀飼混合草藥養殖雞隻,由飼料生產、養殖、屠宰,以至加工,均一條龍式包攬,喺嚴謹監控下,出品均達到國際標準,讓你可以安心食用。

【識食識買 🚫無激素🚫 泰國牛奶雞中翼】

識食識買

火熱專題

【識食識買, 無激素, 泰國牛奶雞中翼】

要煮高質雞,點會用激素雞!營火專員特地搜羅嚟自 泰國嘅牛奶雞中翼 ,由走地雞製成,雞肉肉質結實,肉味濃厚且有咬口,零舍好味!而且生長過程絕不採用激素及抗生素,因此骨幼,肉呈奶白色。識食識買嘅你,買雞翼認住營火「牛奶雞中翼」呢個嘜頭 ,咁至食得安心,夠晒有「營」!

有營資訊:每隻走地雞的自然生長期為 56 天

【營火教室話你知】生抽 vs 老抽

營火教室

火熱專題

營火教室話你知】生抽 vs 老抽

呢幾日嘅高溫, 正係醬油師傅忙著生曬做醬嘅時候,猛烈嘅太陽將豉油曬得通透。

我哋營火什貨 x 悅和醬油嘅生抽同老抽都係頭抽黎嫁。意思即係首次提煉出來的豉油,亦係最頂級嘅豉油,提鮮力最強,味道最濃最香。

生抽,即係提煉或釀浸日子較短嘅豉油,色澤較淡顏色為帶有透明感嘅淡紅褐色,味道較鹹,適合用來醃製及調味,為鮮肉加上調味。

老抽,於生抽中加入焦糖,經特別工藝製成嘅濃色醬油,色澤呈深啡色帶有光澤,濃郁糖甜,一般只取其色,適合肉類增色之用。如豉油雞、鹵肉等⋯

【營火食譜 高廚推介】古法醬油南王雞

【營火食譜 高廚推介】

火熱專題

【營火食譜 高廚推介】古法醬油南王雞

呢排個個食雞,唔通個個都識食雞咩?食雞要無激素,要講有鮮味又有雞味,但現今雞農只會講產量,將啲雞養喺籠裡面,打針催谷,想食靚雞並唔係易事。要品嚐到雞最原始嘅鮮味,營火高廚首選由本港自行繁殖及用人參飼料飼養嘅「新鮮南王雞」!南王雞皮薄骨幼,肉質嫩滑,雞味濃郁,含豐富骨膠原、無添加色素及激素,再以悅和醬園嘅古法醬油加以炮製提味,就成了一道皮脆嫩滑嘅古法醬油南王雞!

營火教你煮:古法醬油南王雞

材料:
光雞 1隻(約1350克)
生抽 125毫升
薑片 20克
冰糖 120克
八角 2粒
油 125毫升

醃製材料:
老抽 1湯匙
玫瑰露酒 4湯匙

製法:
1/ 全雞洗淨後瀝乾水份
2/ 以老抽及玫瑰露酒塗抹雞身,醃一小時備用。
3/ 中小火燒熱半杯油到中低溫,先把熱油淋上雞身,再把雞放下在油中翻轉至雞皮稍為收縮,取出。
4/ 把鑊中的油倒出,倒入生抽皇、冰糖、八角,薑片和625毫升水,煮沸。
5/ 把雞放入,一邊雞肶向下,改小火,煮約十分鐘,轉另一邊雞肶向下,再煮十分鐘,再把雞胸向下,煮十分鐘,最後翻過來,雞背向下煮五分鐘,其間不斷把鑊中的豉油汁淋上雞身,使雞身顏色均勻。
6/ 把雞取出,待涼後斬件上碟,再把煮雞豉油汁大火燒至略稠,淋上即成。

【營火什貨 x 悅和醬油】聯乘食譜 — #頭抽牛奶雞翼

【營火什貨 x 悅和醬油】

火熱專題

【營火什貨 x 悅和醬油】
聯乘食譜 — #頭抽牛奶雞翼

「泰國牛奶雞翼」X「本地古法生曬醬油」,新鮮食材配上天然調味拼出新火花!營火什貨與香港老字號悅和醬油合作推出聯乘食品。呢道「頭抽牛奶雞翼」,用上泰國農場直送嘅無添加激素雞中翼,以悦和醬園嘅精造頭抽醃製,有首選生抽同特選老抽按個人口味調配,結合奶白雞汁精華與靚抽完美融合,輕鬆煮出上等嘅豉油汁撈飯,包你食多幾碗白飯,個個都返嚟食飯!

有營資訊:頭抽即由醬缸中首輪抽取嘅上等濃醬油

營火什貨 x 悅和醬油仲有乜?一撳就知道:
http://www.sparklerfood.com.hk/food/id11036/

「頭抽牛奶雞翼」一撳識煮:
http://www.sparklerfood.com.hk/features/recipe_20170829/

【營火什貨 x 悅和醬園】 造醬人 • 傳承三代的造醬工藝與精神

【營火什貨 x 悅和醬園】

火熱專題

【營火什貨 x 悅和醬園】
造醬人 • 傳承三代的造醬工藝與精神

悅和醬園由嚟自佛山嘅龐氏兄弟一手創立,1945年至今已傳承三代,第二代傳人龐元善先生: 「我爸爸係佛山人,黎到香港後好懷念家鄉味道,所以將醬油帶到呢到。我成日同下一代講,要用心做落去,堅持傳統古法天然生曬釀製方法。」

第三代傳人龐中衡先生,認為食品安全最重要,除咗致力以古法程序為基礎,都積極發展管理改良造醬工序,而醬園管理及食品安全系統係2014年,均獲國際ISO9000同HACCP嘅認證。

一缸好豉油係中菜入廚佐膳嘅重要靈魂,悅和醬園除咗將黃豆醱酵造醬,更善用醱酵過程中嘅副產物為醬油增添色、香、味,為我哋提供絕佳嘅天然調味。營火什貨正正欣賞三代傳人嘅用心製作,故特推出聯乘食品,讓大家食到新鮮靚料之餘,又可以上等醬油為食材提鮮,讓菜式提升到另一層次。

【營火什貨 x 悅和醬園】從豆到醬 • 第二步 • 天然生曬入缸

【營火什貨 x 悅和醬園】

火熱專題

【營火什貨 x 悅和醬園】
從豆到醬 • 第二步 • 天然生曬入缸

上回講到由黃豆變成上等「簧」料,只係造醬嘅上半部,距離製成頂級醬油,仲需要好多功夫!

傳統古法釀造豉油必需睇天做人,天然生曬靠嘅係充足陽光,經過至少半年嘅曬製先可喺缸入面提取第一造豉油,即俗稱為「頭抽」嘅頂級醬油,豉味較濃因此提鮮能力最強。而悅和醬園堅持沿用古法天然生曬,並選址上水古洞,就係為咗有充足嘅太陽光線,喺採光過程中產生最好嘅生曬效果,為我哋提供絕佳嘅天然調味。

悅和醬園嘅招牌出品,就係用頭抽製成「首選生抽」及「特選老抽」。

而喺醬缸入面抽取第二造嘅油叫「二過」同「三過」,味道較淡,用於製作其他醬油嘅原料。

講到識食嘅人,唔會淨係買靚嘅貴嘅食材,每買一支豉油一包鹽都會精心揀過,呢啲先叫真係有要求。