日本人可以講係蛋料理嘅專家，有玉子燒、蛋包飯、溏心蛋等等。唔單止煮蛋有一套，佢地連對食生雞蛋都好有研究。最為香港人熟知嘅生蛋食法，可能係食壽喜燒 / 火鍋打邊爐時牛肉沾取生雞蛋食用。
咁日本人究竟有幾鍾意食生雞蛋? 日本人幾乎萬物皆可配生蛋，下面同大家分享日本生雞蛋之10種菜式！
- 生蛋醬油拌飯
生蛋醬油拌飯可以話係日本人國民級飲食，英文為簡稱TKG， 「Tamago（たまご）蛋」、「Kake（かけ）拌 」、「Gohan（ごはん）飯」。佢地通常是當早餐食用，做法非常簡單，只需1分鐘就可以完成。首先盛好一碗白飯，打上一隻生雞蛋，再配上生蛋拌飯醬油同少少蔥花就完成啦!
- 生蛋納豆
納豆係由黃豆發酵而成嘅日本傳統食品，含有豐富嘅蛋白質、鈣質、維他命B1、維他命B2，其中嘅「納豆激酶」更加對心血管健康有好大幫助。不過納豆獨特嘅味道未必個個可以接受，如果加埋生雞蛋你又敢唔敢挑戰呢? 打開納豆包裝後用筷子攪拌至黏稠拉絲，加入生雞蛋攪拌均勻即可食用。
3. 壽喜燒
壽喜燒生雞蛋食法最為人熟知，將一片片油花均勻嘅和牛慢慢煎好，再沾上日本生蛋汁食用。生蛋汁可以將剛煎好嘅牛肉降溫避免燙口，同時又可以增加牛肉嫰滑口感，令人食落去有如夢幻一樣。
隨著吃了幾片和牛之後，你可以加入配料及熱湯以便製作日式火鍋，同樣每樣食品你都可以沾上生雞蛋汁食用。
4. 味噌醃生雞蛋
哩道生蛋料理做法類似製作咸蛋黃。首先將味噌放入乾淨玻璃容器，按照所醃製蛋黃數量喺味噌表面按壓出圓形，打蛋將蛋黃蛋清分離，喺剛才凹陷位置上放上紙巾並將蛋黃放上，將容器放置雪櫃冷藏3天即可食用。醃製完成嘅蛋黃會變得晶瑩通透，日本通常會當作餐前開胃菜食用，或配白飯一同享用。
5. 味噌湯
日本人連熱湯都可以配生雞蛋! 味噌湯亦即係我地平時喺日料店套餐中配嘅麵豉湯。加入生雞蛋嘅湯會更加濃及更有層次感。煮哩個湯最重要就係溫度，如果喺湯太熱嘅情況下加入雞蛋，你碗味噌湯就好容易變成蛋花湯了。
6. 咖哩飯
咖哩蛋飯可以話係非常常見嘅食品，但配生蛋你又試過未呢? 其實哩種食法喺日本並唔普遍，主要係關西地區嘅大阪最受歡迎，所以咖哩飯配生雞蛋亦可以視為關西文化嘅一種。關西人認為喺咖哩飯中加入生雞蛋，可以令味道變得更加濃厚，同時亦可減低咖哩辣度，整體讓人更容易入口。
7. 釜玉烏冬
「釜」意思為熱鍋，而「玉」意思則為雞蛋。釜玉烏冬最大特點為水份較少，只用醬油作調味，但烏冬加上蛋汁後變得滑不溜口，口感極好。
8. 牛丼
牛丼亦即係吉野家常見嘅和風牛肉飯，不過香港吉野家只會配上溫泉蛋，而日本吉野家就可以選擇配上生雞蛋架。如果下次去日本旅行有機會嘅可以到日本嘅吉野家試下，相信感覺會大不同!
9. 生蛋韭菜
韭菜配生蛋係一種佐酒小食，做法亦非常簡單，先在水中加入鹽，再將韭菜放入水中煮30秒後瀝乾。將韭菜切成3CM，最後加上生蛋黃、醬油、芝麻調味，即可食用。世界盃期間口痕想食嘢，呢款小食就啱晒，健康得黎味道又香濃!
10. 長芋生蛋
長芋（Nagaimo）即係日本嘅准山，係日本人愛好嘅健康食物。日本人通常會將長芋磨成泥漿，其口感滑溜。日本產嘅長芋，味道偏於清淡，但黏液含量則較為豐富，含高蛋白質、胡蘿蔔素、維他命B、C、鋅、鉀、鐵及消化酵素等，配合埋生雞蛋，營養價值UPUPUP!
以上介紹咗咁多種生蛋料理並唔代表所有雞蛋都可以生食，記住要係日本認證可生食嘅雞蛋先可以。今年營火食品嘅 和牛壽喜燒套餐 配嘅都係日本頂級可生食用嘅「夢王蛋」，同一般日本蛋唔同嘅係，雞隻飼料加入海藻、蒜頭、綠茶等，所以其蛋黃呈鮮橙色，腥味少，營養價值高! 順帶一提嘅係，夢王蛋曾經獲得過日本人公投生蛋拌飯第一嘅美譽。絕對稱得上係蛋中龍鳳!
以上咁多生雞蛋食法你最想試邊一種呢? 如果你從未試過生雞蛋，可以嘗試由入門版接受度最高嘅壽喜燒開始，日本和牛加上甜甜壽喜燒汁，再沾上生雞蛋汁，包你一試便愛上!
立即訂購: 和牛壽喜燒套餐
延伸閱讀：
正宗和牛壽喜燒食法 【含影片】
