中秋、冬至、農曆新年，香港人枱上必不可少一道餸 —— 盆菜。盆菜多以不繡鋼圓盆盛載，因此，盆菜又有團圓深層意義。近年，為配合唔同人士需要，盆菜市場越來越大，商家搞盡腦汁吸客，推出各款新式盆菜，你又試過幾多款？
素食盆菜
素食盆菜，故名思義專為素食者而設嘅盆菜！聽個名你可能會覺得食唔飽又或者淡而無味。市面上素食盆菜一盆有多達20多款食材，絕對夠食有餘！而且同樣豪華無比，有素鮑魚、素翅、班子蝦。各種菇菌，例如羊肚菌、花菇、鮮草菇。亦不乏傳統盆菜必食的素腩肉、蘿蔔、枝竹。新一年願望想身體健康？素食盆菜絕對幫到你。
泰式冬蔭功盆菜
泰式風味同港式味道到底會擦出咩火花？東南亞主廚推出泰式冬蔭功盆菜，盆菜不乏花膠、海參、大蝦、冬菇、豆卜、帶子，亦加入富含泰國風味的泰式扎肉、炸蝦條、炸魚蛋等。而整個湯底則改用泰式冬蔭功湯，酸辣開胃嘅盆菜你又覺得如何呢？
雞煲盆菜
營火食品 - 團團圓圓鮑魚雞煲盆菜，唔單止保留傳統做節的豐盛感，以麻辣雞煲作為底部基礎，辣度可自由選擇辣或唔辣！遠離單調的豬皮羅白，同一種味道，這款雞煲盆菜將為你的中秋飯局帶來驚喜。無論是家庭聚會還是公司宴請，都能必定成為創新焦點。
麻辣盆菜
如果你無辣不歡又鍾意刺激，哩款麻辣盆菜就啱曬你！ 盆菜包含多款川式麻辣餸，例如麻辣德國咸豬手、麻辣海參 、麻辣扣乾鮑、麻辣花膠筒、麻辣日本瑤柱、麻辣鴨血 、川汁鴨舌等。如果你鍾意挑戰辣度，不妨預訂一個麻辣盆菜同屋企人朋友一齊食，一齊過一個刺激新年。
動物盆菜
人要團圓，人寵亦要團圓！如果你有養寵物，應該都經歷過被主子搶食的經驗！有專門製作寵物食品的公司推出寵物盆菜，令主子可以一同過肥年，盆菜常見的食材動物較難消化，而且過度調味亦不利主子健康。所以店家以分子料理概念重塑不同食物的原有形態，盆菜中的鮑魚、海參、獅子頭、冬菇及髮菜等實質上以雞肉、鴨肉、蝦仁、蛋黃、薯仔、西蘭花等天然食材製成。想同主子一齊團圓揀哩款盆菜就最適合！
延伸閱讀
2025中秋送禮推介
