又嚟到打謗爐火鍋季節，打邊爐除咗湯底同食材之外，醬料亦係非常重要嘅一環，好嘅醬料配搭可以增添打邊爐食材嘅鮮味。不過每次到餐廳調味料區見到咁多醬料都真係會眼花繚亂，今次同大家分享食唔同火鍋湯底時嘅醬料配搭，無論你係食麻辣湯底定係清湯底，下次打邊爐都必定心裹有「醬」。
清湯火鍋嘅醬料配搭非常多，因為本身湯底味道比較清淡，所以主要會依靠醬料去提升打邊爐火鍋食材嘅鮮味。最普通最常見嘅配搭有豉油、蚝油，再加上適量的蔥、蒜、莞茜。不過今想介紹啲特別嘅醬料比大家。
沙茶火鍋醬料
沙茶醬流行於福建潮汕台灣等地方，醬料味道咸鮮中帶甜，微辣，係食牛肉火鍋嘅絕配。
泰式甜酸醬
食厭咗中式醬料可以換下新口味，好似泰式風味。哩款甜酸醬口味酸甜，食打邊爐火鍋配哩個醬包你胃口大開，咁就可以食多兩件肥牛啦。
北京傳統老配方芝麻醬
如果你鍾意食羊肉但又怕會有羊膻味，不妨試下以下哩款北京傳統老配方。北京人每到冬天都會食羊肉火鍋嚟暖身，佢哋習慣配芝麻醬食用，不過佢哋嘅芝麻醬並唔係全是芝麻，而係由芝麻醬加花生醬組成的。一方面可以幫羊肉降溫避免燙口，另一方面醇厚嘅芝麻醬可以醃蓋部份羊肉嘅膻味。
材料: 芝麻醬（80%芝麻醬，20%花生醬）、豉油、莞茜、料酒、辣椒油
麻辣湯底本身味道已經非常香及辣，所以配搭嘅打邊爐火鍋醬料會以解辣為主。
四川油碟
如果大家有去過重慶或者成都旅遊，當地嘅打邊爐火鍋店一坐低就會每人先派一細樽香油（白芝麻油），大部分連鎖店舖都會有自己品牌嘅香油。點解四川地區人士食火鍋咁鍾意加白芝麻油? 因為麻油可以中和辣味保護腸道黏膜，而且將食物放入口前可以幫食物先降降溫。
材料 ：香油 (白芝麻油) 、莞茜、蔥、蒜
解辣油醋醬
如果大家覺得食麻油會太油，可以試下以下哩款醋油醬，辣味最主要來源於辣椒中嘅辣椒鹼，而醋主要成分「醋酸」可以中和部份辣椒鹼，幫助解辣。
材料：香醋、香油 (白芝麻油) 、蒜、莞茜
蘿白泥柚子醋醬
最後介紹一款健康嘅火鍋醬料俾大家，白蘿蔔含多種能夠分解澱粉、蛋白質、脂質嘅酵素，令體內消化吸收的速度更快。所以大家平時食天婦羅都會配一小嚿蘿白泥就係哩個原因。蘿白泥配白醋、柚子醋清爽又解膩。
材料: 蘿白泥、豉油、白醋、柚子醋
下次打邊爐火鍋唔洗再企係醬料區前左諗右諗，記低以後想點點就點點～
延伸閱讀：
