雞脾其實都可以唔肥！
雞脾大部份人都鍾意食，但唔少人卻因為覺得佢肥而卻步。但其實只要你食得其所，就唔需要再怕佢肥，達到win win雙贏嘅局面。
雞脾有分上、下脾，其中雞下脾負責支撐整隻雞隻嘅走動，所以活動量較大，加上雞皮較薄，脂肪因此比雞上脾為少。所以，只要你將雞下脾去皮，其實佢嘅卡路里(kcal)同雞胸肉相差無幾，但嫩滑程度卻可能差天共地。
牛奶雞下脾：https://reurl.cc/yQ8dYq
當然，如果你想成隻脾咁食都無問題嘅，但唔想肥嘅都係建議盡量去皮，咁就可以大大減低脂肪及卡路里嘅吸收。
下次想放肆一下而又唔想咁肥嘅話，記住不妨試一試食去皮嘅雞下脾，咁就可以滿足個口嘅同時，又無咁邪惡啦。不過最後補充一句，有得食就唔好怕肥啦，有食唔食罪大惡極，雞皮理得佢照食啦。