中秋節 (英文: Mid-Autumn Festival) 當然就係人月兩團月的日子，一家人坐埋一齊食飯就絕對少不免，但除了一齊食晚飯，中秋節仲可以食咩呢？立即推介你以下9款食品！
月餅
中秋節第一樣想到要食的，當然就是月餅。月餅象徵團圓和睦，據說呢個習俗直到明朝先盛行，如今已經係約定俗成。而現在嘅月餅已經不限於蓮蓉蛋黃月餅，即使冰皮魚餅亦層出不窮，好似餡料包括魚子醬、榴槤、雪糕等等，味道亦千變萬化，是中秋必食之選。
生果：碌柚、楊桃
中秋必食生果：碌柚及楊桃！其中碌柚本來是叫柚子，與「佑子」發音相近，有「佑子」、「有子」、「又子」嘅吉祥含義；而星星形狀嘅楊桃就寓意「洋洋得意」。
大閘蟹
中秋原來亦是食大閘蟹嘅季節，因為呢個時間嘅蟹黄蟹膏爆滿，係最佳嘅品嘗時機。蟹嘅的營養豐富，尤其是蛋白質含量比豬肉、魚肉都要高出幾倍。而大閘蟹最好嘅食法，當然就係清蒸，因為能夠最大程度上保持其原汁原味。
鴨肉
中秋食鴨肉可能相對就比較少人知道，原來8-9月份嘅鴨肥瘦適中，口感很好，有滋陰補血嘅功效。鴨亦都係南京人喺中秋節一定要食嘅食物。
BBQ燒烤
中秋燒烤在香港可能沒有一個既定傳統，但原來在台灣卻是傳統習俗。台灣人在中秋節一家人一定會圍爐燒烤，而身在香港的我們，其實如果有燒烤爐的話，一路BBQ燒烤、一路賞月、一路食月餅，都真係幾開心。
湯圓
一粒粒圓形嘅湯圓，係中秋節必食嘅甜品，其代表住人月兩團圓，一家人最緊要齊齊整整。
火鍋
如果不想出街同人迫，一家人留在家中，開住冷氣圍埋打邊爐，都係不錯的選擇，無論係肥牛、日本豚肉、海產，無一不正！
桂花糕
中秋佳節正正就係桂花盛開的時候，所以呢個時候好多人都會製作桂花糕，每一啖都有淡淡桂花香，都係飯後甜品嘅最佳選擇。
臘味糯米飯
正所請「秋風起，食臘味」，香氣迫人嘅臘味糯米飯就係中秋時節嘅絕佳主食，雖然天氣未算寒冷，但係關住冷氣食，個人食完包保精神！
