BBQ燒烤絕對係港人最愛嘅活動之一，雖然香港公眾燒烤場至今仍然被封，但係卻無阻大家搵地方燒烤。想BBQ可以食得健康啲? 立即睇下我哋建議嘅8個小貼士，咁以後燒烤都可以燒得有「營」啦！
1. 小心選擇燒烤食材
選擇肉類方面，靠近骨嘅部位一般脂肪含量都會較高。所以選擇無骨扒類，好似牛扒/雞扒就會比較好，能夠去埋皮就更加perfect池啦！ 除此之外，亦可以試下燒多啲海鮮，好似蝦同蜆，脂肪含量較低。而丸類方面，最好選擇牛丸、龍蝦丸呢類無餡的丸類，芝心丸同芝士腸呢啲相對脂肪含量則比較高。
2. 將肉切為細粒
處理肉嘅時候，不妨將佢地切成細粒，因為燒燶左嘅嘢食極有可能含有致癌物質，而切成薄片或細細件嘅肉會令你更容易控制火候，同時醃嘅時候仲會更加入味添！另外，你仲可以將啲見到嘅肥膏切左佢，減少脂肪的同事，減低燒嘅時候油脂滴落炭度，以產生致癌物質。
3. 避免購買不明的醃肉
喺不明網上凍肉舖買到嘅醃肉通常都會有較高鈉含量同脂肪，又唔知醃料好唔好。所以，記得幫襯有信譽、有實體店同埋優質燒烤食材舖頭，又或者自已醃亦得，咁就唔驚食咗成個元素周期表落肚啦！
4. 夾雜蔬果食用
BBQ開始做食肉獸前，不妨食定啲菜墊下個胃先，因為咁樣做可以令你更加易飽，減低你進食太多肉以致過肥嘅機會。另外，你仲可以燒生果又或者學下韓燒咁用啲菜包住肉嚟食，一方面可以減膩，二黎又可以攝取蔬果入面嘅維他命同埋纖維，一舉多得！
5. 食少啲加工肉
BBQ燒烤嘅時候，盡量避免食太多加工肉製品，例如腸仔、火腿或煙肉。雖然好好味，但係佢哋都含有較高嘅熱量同油份，絕對係少吃多滋味，多吃壞肚皮阿~
6. 搽少啲蜜糖
BBQ期間蜜糖當然就唔少得，搽一層喺食物上面燒多一陣，成件事即刻昇華晒。不過唔講你可能唔知，其實一茶匙蜜糖已經含有20卡路里。所以，如果想健康啲，可以試下用水將蜜糖稀釋，再噴喺食物表面，咁就可以減低蜜糖嘅攝取量，同時保持到美味。
7. 食多啲生果
BBQ燒烤嘅時候，其實可以食多啲新鮮生果，好似士多啤梨、蘋果、橙、奇異果等等！以上特別提到嘅生果，其維他命C含量非常充足，要知道維他命C係天然抗氧化物，可以幫助減輕致癌物質對我哋身體嘅傷害。
8.飲品方面着手
BBQ燒烤燒到㷫烚烚，就梗係想食飲番啲汽水又或者凍嘢降温啦。而為了避免攝取太多糖份，建議可選擇低糖甚至無糖嘅飲品，例如無糖綠茶、涼茶等。除此之外，亦都可以自己整啲下火飲品，好似蘋果雪梨水、夏枯草，成份天然，又可以自己控制糖分，絕對符合健康。
以上嘅建議都係一啲BBQ燒烤健康啲嘅小貼士，大家跟住做就可以健康地BBQ喇。唔想自己整咁麻煩? 營火亦有現成燒烤套餐及食材，為你全部處理好晒，絕對方便簡單！