大家知道壽喜燒都有分「關東風」和「關西風」兩種食法嗎？
先俾兩張圖大家估下邊個係關西風壽喜燒，邊個係關東風壽喜燒先? 
開估啦! 左手邊係關西做法，而右手邊係關東做法。
其實大家睇圖應該都略知關東/關西分別，關西風壽喜燒重點係燒，而關東風壽喜燒重點係燉煮。
關西風壽喜燒食法為鍋內加牛油(牛脂肪)先煎牛肉，再按照口味加醬油同糖調味。而關東風做法類似火鍋，主要是先煮好壽喜燒湯底(「割下」)後加入食材燉煮。相比之下關西風的牛肉比較香口，更重食物原汁原味，而關東風味道則會比較統一。
另外, 關西風味壽喜燒整體烹調過程中唔會加水，所以加入蔬菜時會選擇水份較多的大白菜。關東風壽喜燒有時亦會加入大白菜，但考慮到大白菜釋放的水份會稀釋湯嘅味道，所以關東風壽喜燒較少加入大白菜。
又再考下大家一個小問題! 到底有關西風壽喜燒先定關東風壽喜燒先呢?
其實睇「壽喜燒」三個字答案已經呼之欲出。
「壽喜燒」日文為「鋤焼き」，「鋤（Suki）」係指鏟，而「焼き（Yaki）」指火烤。日本江戶時期有禁止肉食條例，農民為咗可以食肉就會躲藏係穀倉用加熱鐵鏟去烤肉，然後快速食用。所以最早期嘅壽喜燒係以燒為主，關西風一直保留傳統做法，後來關東大地震導致當地牛鍋店舖相繼倒閉，而壽喜燒慢慢由關西傳入關東，關東又加入當地牛鍋做法，最終先演變成現時關東風壽喜燒。
日本
