【營火教學】韓燒VS日式燒肉，兩者有什麼分別?

近年韓燒同日式燒肉店都喺香港遍地開花。同樣都係食肉，到底兩者又有咩分別?今天會帶大家由肉類、燒烤用具、醬料同配菜四方面睇睇。

肉類

韓國燒肉(韓燒)主要食用的肉類為豬肉，其次為牛肉。因為韓國飼養牛嘅成本高，而且韓國人亦都好注重牛肉品質，他們會用優質飼料喂飼牛隻，因此韓牛價格比入口嘅美國牛肉仲要昂貴，所以一般韓國市民去燒肉店都係食豬肉 - 五花肉為主。五花肉亦即係香港嘅五花腩，因為有三層，脂肪比例較高，就算燒嘅時間長都唔會變乾，所以深受韓國人喜愛。韓燒肉類多數會一大件上枱，枱會配備鉸剪同夾，客人需要自己一邊燒一邊剪，部份燒肉店店員亦會幫忙處理。

日本燒肉多以牛肉為主，日本和牛飼養已經非常成熟，而且已有自己一套製作標準，有興趣嘅朋友可以睇和牛油花越多越高級? 如何成為A5和牛? 。日式燒肉比韓燒食得更為刁鑽，日本人鍾意將一頭牛分為唔同部位，並挑選一啲稀有部位供客人享用，所以日式燒肉均會先切好一小件再上枱給客人自行燒烤。