每年中秋節(英文: Mid-Autumn Festival)大家基本上係咪都係上親戚朋友屋企食飯，之後就食月餅、生果，最多陪小朋友落公園玩下燈籠、螢光棒、蠟燭咁？除左呢啲，仲有咩好做呢 …… 即刻推介你五個中秋活動俾你，等你Chill住過中秋！
1.露營Camping
中秋節，就梗係要賞月啦！想睇到最光、最清楚嘅月亮，喺城市入面「你知我知單眼佬都知」邊到得㗎！所以一定要出個靚走，遠離下塵囂！今個中秋節，可以試下一家人/朋友/伴侶一齊去露營camping喎～買定嘢食同嘢飲，夜晚喺個帳篷度一齊望住個月亮傾下計、睇下星、吹下風、一邊自己BBQ燒烤燒肉，煮下飯仔，諗起都勁浪漫超温馨阿～如果嫌麻煩，仲可以去Glamping，咁就乜都幫你準備好晒，行入去就住得，一樣咁正！
2.BBQ燒烤
邊個話團圓飯一定要去中菜廳食中餐㗎！如果你問台灣人中秋節會做咩？佢哋一定會同你講：「中秋節就當然要去BBQ燒烤，不然幹嘛？」對於台灣人嚟講，同個月亮最夾嘅，唔係月餅唔係碌柚，而係燒肉！呢個中秋節，不如就學下佢哋，一家人或三五知己去BBQ燒肉，過一個台式中秋節啦！
3. 舞火龍
作為香港人，點都要支持一下我哋自己嘅本土文化，食完飯，不妨去睇下香港獨有嘅舞火龍。成街人一路睇住舞火龍一齊慶祝中秋，絕對地熱鬧高興。
4. 賞花燈
其實中秋節睇燈籠又係好浪漫。除左喺公園嗰啲燈籠之外，香港仲有唔少地方會搞花燈節，好似大埔同大澳上年都有一個花燈許願祭同埋水鄉花燈節，真係非常靚，仲有啲古代花燈廟會嘅既視感添！不如今年就同你嘅摰愛，喺色彩繽紛嘅花燈之下一齊Sweet下，打下卡啦！
5. 野餐
如果你已經去厭左屋企樓下嘅公園，但又唔想去到郊區咁遠嘅話，不妨去好似西九、郵輪碼頭呢啲「城市綠洲」！一家人喺草地上面食月餅、賞月，玩下蠟燭燈籠，都真係一個好好嘅選擇！
營火美食推介:
