打開香港人嘅雪櫃，總有一兩樽「長青」醬料。有人係 XO 醬死忠，有人無辣不歡，但如果要揀最百搭、最惹味、最能瞬間將平凡食材升華嘅「萬能神醬」，絕對非沙嗲醬莫屬！
唔好以為佢淨係用嚟打邊爐蘸肥牛咁簡單。今日就教你點樣用大佬沙嗲醬，由朝到晚完美解決一日四餐，仲要餐餐唔同 Feel，好食到舔舔脷！
早餐：10分鐘喚醒靈魂【沙嗲牛肉麵】
朝早起身冇胃口？一啖濃郁嘅沙嗲香，保證你即刻醒神，充滿能量返工！
材料：
出前一丁（或米粉）1個、牛肉片 100g、蔥花少許、大佬沙嗲醬 2湯匙、生抽/生粉少許
做法：
1. 牛肉片加少許生抽、生粉同 1湯匙大佬沙嗲醬，撈勻醃10分鐘。
2. 熱鑊落油，大火快炒牛肉至7成熟，加入半碗水同 另外1湯匙大佬沙嗲醬，煮至微滾濃稠。
3. 水滾淥熟麵條，盛起放入碗內。
4. 將沙嗲牛肉連汁淋落麵度，加入蔥花，搞掂！
美味秘訣： 沙嗲醬要分兩次落，醃肉入底味，煮汁提香氣，麵條索滿醬汁，好食過茶餐廳！
午餐：白飯殺手【沙嗲牛肉粉絲煲】
呢個粉絲煲絕對係白飯殺手，粉絲吸滿精華掛，每一啖都超濃郁惹味。
材料：
牛肉片 300g（肥牛或滑牛片）、大佬沙嗲醬 3湯匙、粉絲 1包（約50g）、洋蔥 1個（切絲）、金菇 1包、蒜頭 3瓣（切碎）、薑 3片、蔥 1棵（切段）
醃肉醬料：（牛肉拌勻醃15–20分鐘備用）
生抽 1湯匙、老抽半茶匙、糖半茶匙、生粉1茶匙、麻油少許、胡椒粉少許
做法：
1. 粉絲用溫水浸約10分鐘，瀝乾備用。
2. 熱鍋下油，爆香蒜蓉、薑片、洋蔥絲。
3. 加入醃好牛肉，大火快炒至7成熟，盛起備用。
4. 大佬沙嗲醬用1比1水兌開。
5. 將粉絲鋪底依次放金菇、牛肉，最後倒入大佬沙嗲醬汁。
6. 中小火煮約5–8分鐘，等粉絲吸收晒沙嗲醬汁。
7. 熄火前加入蔥段，焗1分鐘即可。
美味秘訣： 粉絲唔好浸太耐，留返啲空間喺煲入面吸沙嗲汁，先至夠入味！
下午茶：街頭風味【沙嗲串燒】
沙嗲醬一搽一燒，簡單又好味！
材料：
雞扒/牛肉粒 300g、竹籤、大佬沙嗲醬 3湯匙、蜜糖 1湯匙、生抽 少許。
做法：
1. 肉類切成小件
2. 用大佬沙嗲醬＋少許生抽 醃30分鐘。
3. 串好肉串
4. 焗爐180°C 焗約12–15分鐘（或平底鍋煎熟）。
5. 最後掃一層大佬沙嗲醬同蜜糖 再焗2分鐘至微焦。
秘訣：最後掃醬再焗，表面會焦香微甜，好似街邊炭燒一樣惹味！
晚餐：圍爐大滿足【沙嗲火鍋】
放工約朋友上屋企，想食得豐盛又唔想準備太多餸？一鍋濃郁嘅沙嗲火鍋，一醬搞掂成枱餸，大家圍住一齊「烚烚烚」，氣氛一流！
材料：
大佬沙嗲醬（1樽）、 水 1公升
做法：
1. 鍋中倒入1公升水煮滾。
2. 倒入一樽沙嗲醬拌勻即可開餐！
沙嗲火鍋推薦食材：安格斯牛頸脊片、炸魚皮、
港人生活忙碌，有時真係唔需要太複雜！雪櫃有樽沙嗲醬，就已經有晒安全感。如果屋企仲未有嘅話…… 記得去營火食品分店買返樽！